कालिकोटः नरहरिनाथ गाउँपालिका वडा नम्बर–९ निवासी महिला वडा सदस्य ४५ वर्षीया मना सार्कीको कुटपिट गरी हत्या गरिएको छ । शनिबार राति स्थानीय बासिन्दा राजिन्द्र शाही र र्सिजना शाही लगायतले कुटपिट गरेपिछि उनको ज्यान गएको आफन्तहरुको आरोप छ । सार्कीको गत शनिबार राति ११ बजे मृत्यु भएको हो ।
उनका श्रीमान चुरे सार्की रोजगारको सिलसिलामा भारतको अलमोडामा छन् । ३ छोरा र ३ छोरीकी आमा समेत रहेकी सार्कीको हत्याबारेमा अनुसन्धान भइरहेको जिल्ला प्रहरी कार्यलय कालिकोटले जानकारी दिएको छ ।
सार्कीको शव पोस्टमार्टमका लागि जिल्ला अस्पताल मान्ममा राखिएको । कुटपिटमा संलग्न भएको आशंकामा राजिन्द्र शाही, सिर्जना शाही र दुर्गा शाहीलाई प्रहरीले अनुसन्धानका लागि नियन्त्रणमा लिएको छ ।
जिल्ला प्रहरी कार्यालयका अनुसार मृतकका आफन्तहरुले जिल्ला प्रहरी कार्यालयमा किटाणी जाहेरी दिएका छ्रन् । प्रहरीको प्रारम्भीक अनुसन्धानले मृतक सार्कीको कुटपिटकै कारण मृत्यु नभएको देखिएको प्रहरीले जनाएको छ ।
‘शव हेर्दा कुटपिट नै भएको जस्तो देखिँदैन’, जिल्ला प्रहरी कार्यालय निमित्त प्रमूख निरक चौलागाईँले भने, ‘हामी अनुसन्धान गरिरहेका छाँै । पोष्टमार्टम रिर्पोट आएपछि वाास्तविकता आउला, तर शव हेर्दा अरु नै कारणले मृत्यु भएको हुनसक्ने आशंका गरिएको छ ।
प्रतिक्रिया दिनुहोस !
