चितवन : नेकपा माओवादी केन्द्रका अध्यक्ष पुष्पकमल दाहाल 'प्रचण्ड' ले यो गठबन्धन २० वर्षसम्म लैजान सकिने बताएका छन् । भरतपुरमा आयोजित चुनावी सभालाई सम्बोधन गर्दै प्रचण्डले अहिलेको सत्ता गठबन्धनलाई २० वर्षसम्म लैजान सकिने बताएका हुन् ।
प्रचण्डले भने, 'यो गठबन्धन लोकतन्त्रको आवश्यकता हो । समृद्धि र विकासको आवश्यकता हो, 'उनले भने, 'तपाईँ चितवनबासी जनताले उत्साहपूर्ण भोट हालेर रेणु दाहाल र चीत्रसेन अधिकारीको टिमलाई भोट हाल्नुभयो भने म निकै उत्साहित हुनेछु र यो गठबन्धनलाई १०/१५/२० वर्ष लैजाने मेरो प्रतिवद्धता हुनेछ । तपाईँहरुले नेताहरु मात्रै नहेर्नुस् । तपाईँहरुको पनि फैसला गर्ने अधिकार छ । '
प्रचण्डले भने, 'रेणु दाहाल आफ्नै समर्पणमा अघि बढेको छ । रेणुको बुवाको नाताले गर्व गर्ने कुरा छँदैछ । पार्टीको हिसाबले पनि गर्व गर्छु । अभूतपूर्व जित हुनेछ । राष्ट्रको ध्यान भरतपुरमा गएको छ । दुनियाँले पनि भरतपुरतिर खुब ध्यान दिएर हेरेको छ । जगन्नाथजीसँग मेरो कुनै गुनासो छैन । नेपाली जनता र गठबन्धनले पनि आफ्नो अधिकार प्रयोग गर्छन् । जनताको फैसलाको अगाडि कसैले गुनासो गर्ने ठाउँ छैन । प्रचण्डलाई टेन्सन दिन चाहनुहुन्न भन्नेमा आशा गर्छु ।'
प्रतिक्रिया दिनुहोस !
