गर्मीले ज्यानै गयो : दुई जना बेहोस

बर्दिबास : अध्यधिक गर्मीले महोत्तरीको गौशाला नगरपालिका-८ बेलगाछीमा एक महिलाको मृत्यु भएको छ । मृत्यु हुनेमा स्थानीय ३५ वर्षीया सिकिलदेवी सदा मुसहर रहेको इलाका प्रहरी कार्यालय गौशालाले जनाएको छ । प्रहरी निरीक्षक भोला भट्टका अनुसार उनका ६ महिने शिशुसहित पाँच सन्तान छन् ।

• गर्मीमा पौडीको मज्‍जा
• जाडोमा गर्मीका फेसन
• गर्मीसँगै आँखाका बिरामी बढे
• गर्मीमा खरबुजाको सर्वत (बनाउने विधिसहित)
• डीपीएल क्रिकेट: चर्को गर्मीबीच दर्शकको उत्साह
• मंगलबार नेपालगन्जमा वर्षकै सर्वाधिक गर्मी
• गर्मीमा हावा खान निस्कँदा ज्यान गयो
• गर्मी बढ्दा तराईको जनजीवन अस्तव्यस्त
• गर्मीका कारण सिरहामा पाँच विद्यार्थी बेहोस
• अत्यधिक गर्मीले आमाको मृत्यु, ६ महिने शिशुसहित पाँच सन्तानको बिचल्ली

सिकिलदेवीकी सासू ५५ वर्षीया सुनर (सोनर)देवी सदा मुसहर र उनकी छिमेकी २५ वर्षीया किसुनदेवी सदा मुसहर बेहोस भएर स्वास्थ्य संस्थामा भर्ना भएका छन् । गौशालास्थित प्राथमिक स्वास्थ्य उपचार केन्द्रमा उपचाररत उनीहरूको स्वास्थ्य अवस्था सुधारोन्मुख रहेको उपचारमा संलग्न डा. मनोज दासले बताए । अत्यधिक गर्मीका कारण उनीहरू बेहोस भएको दासको भनाइ छ ।

स्थानीयका अनुसार सोनरदेवी आइतबार बिहानै पाँच जना महिलाको समूहमा धान रोप्न गाउँकै उमेश महतोको खेतमा गएकी थिइन् । एकाबिहानै पनि घाम चर्किएको थियो । बिहानै ४० डिग्री तापक्रमले खेतको पानी तात्दै गयो, रोपाइँ गरिरहेकी सोनरदेवी बेहोस् भइन् । उनलाई खेतको आलीमा राखी बुहारी सिकिलले पानी छम्किइन् । त्यही बेला किसुनदेवी पनि गर्मीले बेहोस भएको जनाइएको छ ।

स्थानीय रेडियोकर्मी दिनेश महतोका अनुसार सिकिल घटना सुनाउन एक किलोमिटर दूरीमा रहेको घर दौडिएर गइन् । उनले खबर सुनाएपछि घरका सदस्य मोटरसाइकल लिएर सोनरको उपचारका लागि हिँडे । मोटरसाइकललाई पछ्याउन लागेकी सिकिल दौडँदा–दौडँदै बेहोस भएर लडेको उनको भनाइ छ । भने, ‘पछि उनको मृत्यु भएको थियो ।’

सिकिलदेवीको मृत्यु भएपछि ६ महिनो शिशुसहित बालबच्चाको बिचल्ली भएको छ । उनका पति रघरनाथ साा मुसहर मजदुरीका लागि शनिबार मात्रै भारतको पन्जाब गएका छन् । महोत्तरीलगायत जनकपुर आसपासमा आइतबार बिहानै तापक्रम ४० डिग्री थियो । अत्यधिक गर्मीले मध्य तराईको जनजीवन प्रभावित बनेको छ

६ विद्यार्थी बेहोससिरहा ः केही दिनयता बढ्दै गएको गर्मीका कारण सिरहाको एक सामुदायिक विद्यालयका विद्यार्थी बेहोस भएका छन् । सदरमुकाम सिरहास्थित चन्द्र माविमा कक्षा ५ मा अध्ययनरत पाँच छात्रा आइतबार बेहोस भएका हुन् । ती छात्रामध्ये पूजाकुमारी साह, नेहाकुमारी यादव र राधिकाकुमारी यादवलाई अस्पताल पु¥याएर उपचार गराइएको छ ।

सिरहा अस्पतालका चिकित्सक अखिलेश चौधरीले समयमै उपचारका लागि अस्पताल ल्याइएका कारण तीनै जना जोखिमबाट बचेको बताए । गर्मीले विद्यार्थी बेहोस हुन थालेपछि विद्यालयले पठनपाठन रोकेको छ । निजी विद्यालयबाट दैनिकजसो विद्यार्थी बेहोस भएर उपचारमा आउने गरेको अस्पतालले जनाएको छ ।