ओखलढुंगा : सुनकोसी गाउँपालिका-८ मा जीप दुर्घटना हुँदा दुईको मृत्यु भएको छ भने तीनजना घाइते भएका छन्। मुलखर्कबाट ओखलढुंगा आउँदै गरेको बा १५च ८८४३ नम्बरको जीप रोकेको ठाउँबाट चिप्लिएर भीरमा खस्दा दुर्घटना भएको हो।
बुधबार बिहान ८ बजेट दुर्घटनामा परी सुनकोसी गाउँपालिका- ८ का ३० वर्षीया ललीमाया थापा मगर र अन्दाजी ५० वर्षीय डिल्ली दर्जीको मृत्यु भएको हो प्रहरीले जानकारी दिएको छ।
रोकेर राखेको अवस्थामा यात्रु चढ्न खोज्दा चिप्लिएर जीप भीरबाट १ सय ५० मिटर तल खसेको स्थानीयले बताए।घटनाको थप विवरण आउन बाँकी रहेको र घटनास्थलमा प्रहरी खटाइएको जिल्ला प्रहरी कार्यालय ओखलढुंगाका प्रमुख अनन्तराम शर्माले जानकारी दिए।
प्रतिक्रिया दिनुहोस !
४
