दसगजामा जबरजस्ती भन्सार चेक पोस्ट बनाउँदै भारतीय सुरक्षा बल

धनुषा: भारतीय सुरक्षा बलले धनुषाको नगराइन नगरपालिका – २ जटही नाकास्थित दसगजामा जबरजस्ती भन्सार चेक पोस्ट बनाउन थालेको छ ।प्रहरीको अनुरोधसमेत नमानी जबरजस्ती रुपमा दसगजामा खनेर चेक पोस्ट बनाउन काम गरिरहेको सशस्त्र प्रहरी बलका प्रहरी निरीक्षक जगदिशप्रसाद थारुले जानकारी दिए ।

चेक पोस्ट बनाउने भारतीय पक्ष र सीमामा रहेको नेपालको सशस्त्र प्रहरीबीच विवाद समेत भएको छ ।  ५१ नम्बर सीमा स्तम्भ नजिक भारतीय पक्षले जेठ १५ गतेबाट नै भंसार चेक पोस्ट बनाउन सुरुवात गरेको थियो ।

नेपालको अनुरोधमा भारतीय पक्षले नापी ल्याएर जग्गा एकिन गर्न १० दिनको लागि  निर्माण स्थगित गरेको थियो । तर नेपालबाट १० दिनसम्म कुनै चासो नदिएपछि पुनःकाम  सुरुवात गरेका हुन् ।

सशस्त्र प्रहरी निरीक्षक थारुले नापी गर्न प्रमुख जिल्ला अधिकारीले  पटक पटक अनुरोध गर्दा पनि ध्यान नदिएको गुनासो गरे । ‘हामीले १० दिनसम्म निर्माण रोकियौं तर सिडिओले ध्यान दिनु भएन’ उनले भने । उक्त स्थान भारतको बिहार राज्यको मधुवनीको  पिपरौनमा पर्छ ।