डोल्पा : डोल्पामा गत कार्तिक १९ गते भएको जीप दुर्घटनाबारे जिल्ला प्रहरी कार्यालयमा सार्वजनिक सुनुवाइ गरिएको छ । घटना कसरी भयो ? त्यसमा बढी जिम्मेवार को ? भन्ने विषयमा सार्वजनिक सुनुवाइको क्रममा चासो उठेको थियो । सार्वजनिक सुनुवाइमा वक्ताको रुपमा कर्णाली प्रदेशका प्रहरी प्रमुख महेश विक्रम शाह र ट्राफिक प्रहरीका एसपी जनक पाण्डे पनि डोल्पा आएका थिए ।
उनीहरुले घटनाको अवस्था बुझदै परिवारलाई शान्त्वना समेत दिएका थिए । साथै घटनाको छानविन गर्ने आश्वाहन दिएका थिए । सुनुवाइको क्रममा बोल्दै प्रहरी नायव उपरीक्षक शाहले जीप दुर्घटनामा हराइरहेकी अमिना बुढा मगरको खोजी अझै प्रभावकारी बनाउन जिल्ला प्रशासनलाई अनुरोध गर्दै मातहतका प्रहरीलाई दिर्नेशन दिए ।
चालकको लापरवाही, तिव्र गति र यात्रु धेरै हालेको कारण १९ गते जीप दुर्घटना भएको ठहर डिआइजी शाहको थियो । साथै तत्काल घटनाको अवस्था बारे छानविन पनि हुने र बेपत्ता अमिनाको शव भेटिनेमा धैर्य गर्न पीडिलाई आग्रह गरेका छन् ।
साथै निकट भविष्यमा डोल्पा राष्ट्रिय राजमार्गमा जोडिने भएकोले जाजारकोट डोल्पा सडकमा पनि विशेष सुरक्षा अपनाइने उनको भनाइ थियो । यस्तै टाइमाकार्ड, गति नियन्त्रण र रात्रि सेवा बन्द गर्ने र अन्य सम्भव भएका सबै सुरक्षा प्रयोग गरेर सवारी सुरक्षा व्यवस्थित बनाउने शाहको प्रतिवद्धता थियो ।
गत कार्तिक १९ गते दुनैबाट १२ यात्रु र १ चालक सहित १३ जना सवार भे १ च १६१० नम्बरको जीप कालागौडको बतासे डाँडा नजिकै भेरीमा खस्दा १० जनाको घटनास्थलमै ज्यान गएको थियो । दुर्घटनामा बेपत्ता रहेकी एक यात्रु अमिनाको शव भने आठौँ दिन बितिसक्दा पनि फेला परेको छैन । यस क्रममा सार्वजनिक सुनुवाइमा सहभागीहरुले बेपत्ताको अवस्था चाँडै खोज्न प्रशासनलाई दबाव पनि दिएका थिए ।
प्रतिक्रिया दिनुहोस !
