जयपुर : इन्डियन प्रिमियर लिग (आईपीएल) २०१९ का लागि खेलाडीको लिलामी सुरू भएको छ । लिलामीकै क्रममा मुम्बईका २५ वर्षीय शिवम दुबे र तमिलनाडुका २७ वर्षीय वरुण चक्रवर्ती चकित पार्ने मूल्यमा विक्री भएका छन् ।
दुवै अलराउन्डरको आधार मूल्य २० लाख रूपैयाँ तोकिएको थियो। वरुणलार्इ आधार मूल्य भन्दा ४२ गुणा धेरै मूल्यमा किङ्ग्स इलेभन पञ्जाबले किनेको हो । उनी ८ करोड ४० लाख भारतीय रूपैयाँमा बिकेका हुन् । अर्कातिर शिवमलार्इ २५ गुणा बढी मूल्यमा रोयल च्यालेन्जर्स बेङ्गलुरुले किन्यो । उनलार्इ बेङ्गलुरूले ५ करोड भारतीय रूपैयाँमा किनेको हो ।
वरुणको बलिङ स्टाइल स्टाइल लेग ब्रेक गुगली हो । उनी मिडिल अर्डरका ब्याट्सम्यान पनि हुन् । बलिङमा ७ किसिमको विविधतका कारण उनलार्इ मिस्ट्री स्पिनर पनि भनिन्छ । उनी विजय हजारे ट्रफीमा ९ खेलबाट २२ विकेट लिएपछि चर्चित भएका हुन् ।
उनी यसअघि चेन्नर्इ सुपर किङ्ग्स र कोलकाता नाइट राइडर्सका खेलाडीका लागि नेट्समा बलिङ गर्थे । सुरूमा फास्ट बलर बन्न चाहेका उनी चोट लागेपछि स्पिनर बनेका हुन् । वरुणले विकेटकिपर-ब्याट्सम्यानका रूपका क्रिकेट खेल्न सुरू गरेका थिए । पढाईका लागि कलेजका क्रममा उनले क्रिकेट छाडेका थिए । त्यसपछि उनले क्रिकेट खेल्नैका लागि आर्किटेक्टको जागिर छाडिदिए ।
शिवम किन चर्चामा ?
मुम्बईका ब्याटिङ अलराउन्डर हुन् शिवम दुबे। उनले ६ पहिलो श्रेणीका खेलमा २ सतक र ४ अर्ध सतक बनाएका छन् । यी खेलमा उनले २२ विकेट पनि लिए । अक्सन भन्दा एक दिन पहिले एक ओभरमा ५ छक्का लगाएर उनी चर्चामा आए। बड़ौदाविरूद्ध खेल्दै उनले मुम्बईका लागि दोस्रो पारीमा ७६ रन पनि बनाए ।
शिवमले देब्रे हाते स्पिनर स्वप्निल सिंहको ओभर मा लगातार ५ छक्का हानेका थिए । स्वप्निलले छैटौँ बल लेग साइटमा वाइड फ्याकिदिएका थिए । बम्बे-बडौदा खेलका क्रममा ३३ वर्षअघि रवि शास्त्रीले देब्रे हाते स्पिनर तिलक राजलार्इ ६ छक्का हानेका थिए ।
प्रतिक्रिया दिनुहोस !
