पोखरा : पोखरामा बिहीबार प्याराग्लाइडिङ दुर्घटना हुँदा एकजना चिनियाँ पर्यटक घाइते भएका छन् ।
अन्नपूर्ण हिमश्रृंखला, फेवा ताल र पोखरा बजारको दृश्यावलोकनका लागि पोखराको सराङकोटबाट पर्यटक लिएर उडेको टेण्डम फ्लाइट रुखमा ठोक्कर खाइ दुर्घटना हुँदा टाङ फुरोङ नामकी ४५ वर्षीया चिनियाँ नागरिक घाइते भएकी हुन् ।
प्रहरीका अनुसार हिमालयन फ्रन्टीएर कम्पनीबाट भएको टेण्डम फ्लाईट प्यारापाइलट महेन्द्र नेपालीले चलाएका थिए ।
प्यारापाइलट नेपालीलाई सामान्य चोट लागेको र घाइते चिनियाँ पर्यटकको पोखराको मेट्रोसिटी अस्पतालमा उपचार भइरहेको गण्डकी प्रदेश प्रहरी कार्यालयका प्रहरी नायव उपरीक्षक गोविन्द पुरीले जानकारी दिए । दुर्घटनाको थप अनुसन्धान भइरहेको पनि उनले बताए ।
चिनियाँ पर्यटकलाई खुट्टामा चोट लागेको र उनको उपचार भइरहेको हिमालयन फ्रन्टीएर कम्पनीका संचालक शैलेन्द्र राउतले जानकारी दिए ।
प्रतिक्रिया दिनुहोस !
