उपाधिका लागि दार्जिलिङ र मोरङ भिड्ने

उपाधिका लागि दार्जिलिङ र मोरङ भिड्ने

फिदिम : पाँचथर सदरमुकाम फिदिममा जारी तेस्रो पाँचथर गोल्डकपको उपाधिका लागि पाहुना टोली दार्जिलिङ युनाईटेड भारत र डीएफसी मोरङबीच भिडन्त हुने भएको छ ।

सदरमुकामस्थित फिदिम माविको मैदानमा शनिबारको सेमिफाइनलको अन्तिम खेलमा हिमालयन शेर्पा काठमाडौंलाई ६–५ गोलले पराजित गर्दै दार्जिलिङ उपाधि कब्जाको दावेदार बनेको हो । शुक्रबार भएको सेमिफाइनलको खेलमा विजय युथ क्लब हेटौँडालाई ४–३ गोलले पछि पार्दै मोरङ फाइनलमा पुगेको छ ।

शनिबार भएको सेमिफाइनलको अन्तिम खेलको निर्धारित समयमा दुबै टिम बराबरीमा रोकिएपछि खेल ट्राईबेकरमा धकेलिएको थियो । खेल सुरु भएको १९ औँ मिनेटमा दार्जिलिङका करन राईले पेनान्टी सुटबाट सुरुवाती गोल गरे ।

हिमालयन शेर्पाका विजय श्रेष्ठले करनलाई डी बक्सभित्र लडाएपछि दार्जिलिङले पेनान्टी सुटका लागि मौका पाएको थियो । ५४ औँ मिनेटमा हिमालयन शेर्पाका डेडी वाम्बाले गोल गरेर खेललाई बराबरीमा पु¥याएका थिए ।

ट्राईबेकरमा  डेडीले गोल गर्न नसक्दा हिमालयन शेर्पा प्रतियोगिताबाट बाहिरिएको हो । शनिबारको खेलमा दार्जिलिङका वाङदेल तामाङ म्यान अफ दी म्याच भए । उनले पाँच हजार नगद प्राप्त गरे ।

प्रतियोगिताको विजेता टिमले उपाधिसहित चार लाख र उपविजेता टिमले दुई लाख नगद पुरस्कार प्राप्त गर्नेछन् । मोरङ र दार्जिलिङबीच सोमबार फिदिम माविको मैदानमा उपाधि भिडन्त हुनेछ । प्रतियोगितामा जम्मा १० टिमले सहभागिता जनाएका थिए ।


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.