राजविराज : सप्तरीको रुपनी गाउँपालिकास्थित पूर्व–पश्चिम राजमार्गमा शनिबार राति भएको दुर्घटनामा मोटरसाइकल चालकको मृत्यु भएको छ।
पश्चिमबाट पूर्वतर्फ गइरहेको स १ त ७४०४ नम्बरको ट्रयाक्टर र पूर्वबाट पश्चिमतर्फ जाँदै गरेको स ५ प ४०५ नम्बरको मोटरसाइकल ठक्कर खाँदा मोटरसाइकल चालक कञ्चनरुप नगरपालिका ११ निवासी २२ वर्षीय मनिष चौधरीको मृत्यु भएको हो।
रुपनी गाउँपालिका ६ जगमोहन चौक नजिकै भएको दुर्घटनामा मोटरसाइकल पछाडी सवार स्थानीय २० वर्षीय सत्य माझी घाइते छन्। माझीको धरानस्थित वीपी कोइराला स्वास्थ्य विज्ञान प्रतिष्ठानमा उपचार भइरहेको सप्तरी प्रहरीले जनाएको छ।
ट्रयाक्टर र चालकलाई सप्तरी प्रहरीले नियन्त्रणमा लिएको छ। घटनाको अनुसन्धान भइरहेको प्रहरीको भनाइ छ।
प्रतिक्रिया दिनुहोस !
