इटहरी : सुनसरीको इटहरीमा ६ वर्षीया बालिकालाई बलात्कृत गरेको आरोपमा एक युवक पक्राउ परेका छन् ।
३२ वर्षीय देवेन्द्र गौतमलाई शनिबार प्रहरीले पक्राउ गरेको हो । ससुराको घरमा भाडामा बस्दै आएको परिवारकी बालिकालाई बलात्कार गरेको आरोप उनीमाथि परेको छ ।
ती बालिकालाई गत असार २ गते घरमा कोही नभएको अवस्थामा बलात्कार गरिएको बताइएको छ । किटानी जाहेरीपछि ती गौतमलाई पक्राउ गरिएको इलाका प्रहरी कार्यालय इटहरीले जानकारी दिएको छ ।
घटनाको भोलिपल्ट आमाले छोरीको गुप्ताङ्गमा घाउ भएको देखेपछि उपचारको लागि विराटनगर अस्पताल पुर्याएकी थिइन् । उपचारका क्रममा चिकित्सकले बलात्कार भएको आशंका गर्दै प्रहरीमा उजुरी गर्न सल्लाह दिएपछि घटना बाहिर आएको हो ।
घटना भएको तीन दिनपछि परिवारले इलाका प्रहरी कार्यालय इटहरीमा उजुरी दिएका थिए । इलाका प्रहरी कार्यालय इटहरीका डिएसपी समिरचन्द्र खरेलका अनुसार बलात्कार वा यौन दुव्र्यवहारमध्ये केही भएको हुनसक्ने बताएका छन् । ‘जे हो, त्यो रिपोर्टमा आउला, दोषीले सजाय पाउँछ,’ उनले भने ।
प्रतिक्रिया दिनुहोस !
