बर्दिबास : महोत्तरीका दुई अलग ठाउँमा दुई युवकको शव फेला परेको छ । मनरा सिस्वा नगरपालिका—२ इटहर्वामा अपरिचित बेवारिसे शव भेटिएको हो ।
नेपाल–भारत दशगजा नजिकै उखुबारीमा ती युवकको शव फालिएको अवस्थामा फेला परेको जिल्ला प्रहरी कार्यालय महोत्तरीका डिएसपी माधवप्रसाद बुढाथोकीले जनाए । युवकको पहिचान खुलेको छैन ।
भारततिरै हत्या गरेर युवकको शव नेपाली भूमिमा फालेको हुनसक्ने बुढाथोकीको भनाइ छ । टाउको र निधारमा धारिलो हतियार प्रहार गरेर उनको हत्या भएको प्रहरीले जनाएको छ ।
यस्तै जलेशवर नगरपालिका—६ स्थित रातु खोलामा पनि एकजनाको शव भेटिएको छ । स्थानीय सरोज साहको शव फेला परेको प्रहरीले जनाएको छ । उनको खोलामा डुबेर मृत्यु भएको हुनसक्ने प्रहरीको आशंका छ । दुवै शवको पोष्टमार्टमको लाग जिल्ला अस्पताल जलेश्वरमा राखिएको छ ।
प्रतिक्रिया दिनुहोस !
३
