दुनै,डोल्पा : संचारको पहुँच नपुगेको माथिल्लो डोल्पामा वल्र्डलिङ्कले निशुल्क इन्टरनेट सुविधा जडान गरेको छ। डोल्पोबुद्ध गाउँपालिकाको ६ वटै वडामा वल्र्डलिङ्कले निशुल्क इन्टरनेट सेवा प्रदान गरेको छ । गाउँगाउँमा इन्टरनेटसँग जोडिन पाउँदा स्थानीय दंग भएको स्थानीय वाङचुक गुरुङले बताए।
विद्यालय, स्वास्थ्य संस्था, वडा कार्यालय र गाउँपालिकाको कार्यालयमा वल्र्डलिङ्कले निशुल्क सेवा उपलब्ध गराएको हो। हाल स्थानीय सरकार, दूरसञ्चार प्राधिकरण र वल्र्डलिङ्कबीच भएको सम्झौताअनुसार हाल ५१२ एमबिपिएस इन्टरनेट सेवा प्रदान गरिएको प्राविधिक रुपेस बिसीले जानकारी दिए ।
माथिल्लो डोल्पामा वल्र्डलिङ्कको इन्टरनेट जडान गरी सेवा प्रदान गरिएको डोल्पोबुद्ध गाउँपालिकाका अध्यक्ष तेम्बा गुरुङले बताए ।उनले डोल्पो महोत्सबलाई लक्षित गरी इन्टरनेट जडान गरेको बताए।
प्रतिक्रिया दिनुहोस !
