जनकपुरधाम : नेपाल आयल निगम इन्धन डिप्पो महेन्द्रनगर धनुषामा अनलोड गर्न ल्याइएको दुई पेट्रोल ट्यांकरको सिल टुटेको फेला परेको छ। इण्डियन आयल कर्पोरेसन रक्सौलबाट महेन्द्रनगरको लागि ल्याइएको ना ४ ख ३४१३ र ना ४ ख ४१८६ नम्बरको ट्यांकरको सिल टुटेको फेला परेको हो।
सिल टुटेको भेटिएपछि १२/१२ हजार लिटर लोड रहेको ट्यांकर चालक र गाडीधनी माथि अनुसन्धान अघि बढाइएको डिप्पो प्रमुख मनोजकुमार साहले जानकारी दिए । बिहीबार बिहान गाडी चालकले डिप्पोमा अनलोड गर्न ट्यांकर ल्याएका थिए। दुवै ट्यांकरमा २५ लाख ६८ हजार मूल्य बराबरको पेट्रोल लोड गरिएको थियो।
ट्यांकरको सिल गाडी चालकले तोडेर तेल चुहाबट गरेको हुन सक्ने आशंका गरिएको छ । यद्यपी सिल तोडिएपनि ट्यांकरमा लगाइएको लकर यथावत रहेको चालकहरुको दावी छ।
प्रतिक्रिया दिनुहोस !
३
