सिइएस २०२० मा राखिएको गोलो आकारको (सारकल फोन) स्मार्टफोनले धेरैको ध्यान तानेको छ । अमेरिकाको स्टार्टअपले यस हप्ता सिइएसमा यो स्मार्टफोन प्रदर्शनीमा राखेको हो । लस भेगसमा आयोजित प्रदर्शनीमा अन्य उत्पादन मध्य सारकल निकै विचित्र किसिमको उत्पादन रहेको छ ।
यसको मूल्य ७ सय अमेरिकी डलर रहेको छ । यस किसिमको डिजाइनको टु जी मोबाइलको फोन यस अघि २०१६ मा आएको थियो ।
३.५ इन्चको गोलो आकारको मोबाइलमा टच स्क्रिनसहित नाइन अपरेटिङ सिस्टमको व्यवस्था गरिएको छ । मोबाइलमा अगाडि र पछाडि १३ मेगा पिक्सेलको क्यामरा छ । विशेष गरी यो मोबाइल सानो हात भएको व्यक्तिहरूको लागि बनाइएको हो ।
दुईवटा सिमको प्रयोग गर्न सकिने यो मोबाइलमा २ वटा हेडफोन ज्याकको सुविधा छ । यसमा २ जी बि र्याम, १६ जी बि को स्टोरेज र दुई हजार एमएचको ब्याट्री प्रयोग गरिएको छ ।
सार्कल कम्पनीका सिइओ क्रिस्टिना सायरका अनुसार, अन्य विभिन्न गेमिङ एपलाई यो गोलाकारमा फिट गर्न केही काम भने भइरहेका छन्।
सार्कल फोनमा एप्पल आइफोन तथा स्यामसुङ ब्रान्डमाभन्दा फरक किसिमको सिस्टम राखिएको छ ।
प्रतिक्रिया दिनुहोस !
