जनकपुरधाम : जनकपुर उद्योग बाणिज्य संघका अध्यक्ष पक्राउ परेका छन् । जनकपुर उद्योग वाणिज्य संघका अध्यक्ष ललित साहलाई प्रहरीमाथि दुव्र्यवहार गरेको आरोपमा पक्राउ परेका हुन् । साहले प्रहरी सहायक निरीक्षक र जवानमाथि दुव्र्यवहार तथा हातपात गरेको आरोपमा पक्राउ परेको हो ।
आइतबार बिहान लकडाउनको समयमा मोटरसाइकलमा बिना मास्क, पञ्जा महावीर चोकबाट जाँदै गरेका साहसँग सोधपुछका क्रममा प्रहरीसँग भनाभन भएको थियो । भनाभनपछि अध्यक्ष साहले प्रहरी सहायक निरीक्षक विद्यापति ठाकुरलाई दुव्र्यवहार गरेको प्रहरीको भनाई छ । ठाकुरले भने, ' उहाँ को हुनुहुन्छ, भनेर मैले चिनिन, तर सुरक्षा सामग्री नै नलगाई कहाँ जान लागेको भनेर सोध्दा म माथि झम्टिनु भो ! अन्य व्यापारी बोलाएर हात नै हाल्नु भो ।'
त्यसपछि मैले उहाँलाई गाडीको बिलबुक र सवारी चालक अनुमतिपत्र देखाउन अग्रह गर्दा स्थनीय व्यापारीलाई बोलाएर गालीगलौज गर्दै हातपात र धक्कामुकीमा मोबाइल समेत फुटाइ दिए,' उनले भने ।
घटनापछि अध्यक्ष साहलाई जिल्ला प्रहरी कार्यालयले पक्राउ गरेको हो । अध्यक्ष साहमाथि अभद्र व्यवहारमा मुद्दा दर्ता गर्ने तयारी भइरहेको जिल्ला प्रहरी कार्यालय धनुषाका प्रवक्ता प्रहरी नायव उपीक्षक रामेश्वर कार्कीले जानकारी दिए।
प्रतिक्रिया दिनुहोस !
