नुवाकोट : नुवाकोटमा लकडाउनको समयमा नियम उलंघन गर्ने करिब ४०० सवारी साधनलाई नियन्त्रणमा लिइएको छ । त्यसैगरी एक महिनाको अवधिमा लकडाउन उलंघन १७०२ जनालाई नियन्त्रण लिएर सचेत गराई छाडेको नुवाकोट प्रहरीले जनाएको छ।
विश्वभर महामारीको लिएको कोभिड–१९ कोरोना भाइरस फैलन नदिन सरकारले गत चैत्र ११ गतेदेखि देशभर लकडाउनको घोषणा गरेको थियो । प्रहरीका अनुसार नियन्त्रणमा लिइएका सवारीमा ३३४ मोटरसाइकल, ५ ट्रक, ३ आइचर, स्कुटर, मानिस ओसारपसार गर्ने एम्बुलेन्ससहति रहेका छन् ।ती सवारीलाई नियन्त्रणमा लिएर कारबाही गरेर छाडिएको नुवाकोट प्रहरी प्रमुख अविनारायण काफ्लेले जनकारी दिए ।
लकडाउनको पालना नगरी सर्वसाधारणहरु हिँड्न थालेपछि प्रहरीले १७०२ जनालाई केही समय नियन्त्रणमा लिई सोही ठाउँमा होल्ड गरी सम्झाई बुझाई पठाइएको प्रहरी प्रमुख काफ्लेले बताए।
प्रतिक्रिया दिनुहोस !
