डडेल्धुरा : डडेलधुरामा जनप्रतिनिधिमा पनि कोरोना संक्रमण पुष्टि भएको छ ।सोमबार डडेल्धुरामा कोरोना पुष्टि भएका ७ जनामा एकजना जनप्रतिनिधि रहेको परशुराम नगरपालिका स्वास्थ्य शाखाले जनाएको छ ।
जिल्लाको परशुराम नगरपालिकामा सोमबार कोरोना पुष्टि भएका ३ जना मध्ये १ जना जनप्रतिनिधि रहेको परशुराम नगरपालिका स्वास्थ्य शाखा उप संयोजक हिक्मतबहादुर धामीले जानकारी दिए । सोमबार पुष्टि भएका २०, २५ र ५७ वर्षीय पुरुषमध्ये ५७ वर्षीय पुरुष परशुराम नगरपालिकाका सदस्य हुन् । उनी त्रीवेणी बहुमुखी क्याम्पसको क्वारेन्टाइनमा बसिरहेका थिए ।
अन्य २०, र २५ वर्षीय पुरुष दुवैजना भातबाट आएका हुन् । उनी वडा नं ५ परिगाउँ र वडा नं ७ साँदनीको क्वारेन्टाइनमा बसिरहेका बुझिएको छ । यो सँगै डडेल्धुरामा १४ जनामा कोरोना भाइरसको संक्रमण देखिएको छ। डडेल्धुराका पहिला कोरोना संक्रमित निको भएर घर फर्किएका छन् । सबैको अवस्था समान्य रहेको स्वास्थ्य कार्यालय डडेल्धुराले जनाएको छ ।
प्रतिक्रिया दिनुहोस !
