वीरगन्ज :वीरगन्जका उद्योगी व्यवसायीले कोरोना भाइरसको जँच गर्ने पीसीआर मेसिन खरिदका लागि वीरगन्ज महानगर पालिकालाई ७० लाख रुपैयाँ सहयोग गरेका छन् । कोरोना परीक्षणको दायरा बढाउन आवश्यक रहेको भन्दै महानगरपालिकाले मेसिन खरिदका लागि आर्थिक सहयोगको सार्वजनिक आह्वान गरेको थियो ।
आह्वानअनुसार वीरगरगन्जका उद्योगी व्यसायीले मेसिन खरिदका लागि चाहिने ७० लाख रुपैयाँ मङगलबार महानगरपालिकालाई प्रदान गरेका हुन् । महागरपालिकामा मङगलबार आयोजित कार्यक्रमममा वीरगन्ज उद्योग वाणिज्य संघका अध्यक्ष गोपाल केडियाले ७० लाख ११ हजार रुपैयाँको चेक नगर प्रमुख विजय सरावगीलाई हस्तान्तरण गरेका हुन् ।
वीरगन्ज उद्योग वाणिज्य संघले ११ लाख ११ हजार रकम सहयोग गरेको हो ।बाकी ५९ लाख रुपैयाँ संघको आग्रहमा उद्योगी व्यवसायीले महानगरलाई दिएका हुन् । उद्योगी वीरेन्द्र संघाइले २० लाख , बाबुलाल चाचानले १० लाख , राजेश अग्रवालले ६ लाख , हिरालाल केडिया, आत्माराम काबरा, मुरलीधर रुंगटा र अनिल रुंगटाले जनही ५÷५ लाख रुपैयाँ सहयोग गरेका हुन् । अशोक बैद्यले २ लाख र चिरन्जीवी सरावगीले पनि १ लाख रुपैया दिएका हुन् ।
जेठ ६ गते महानगरपालिकाकाको समन्वयमा जिल्लाका सबै पालिकाका प्रमुख , प्रदेश सांसद , राजनीतीक दलका प्रमुख ,उद्योगी व्यवसायीको सहभागीतमा सर्वपक्षीय बैठक बसेको थियो ।बैठकमा नगर प्रमुख सरावगीले कोभिडविरुद्धको लडाइमा महानगरलाई सहयोग गर्न आग्रह गरेका थिए ।
उनको आग्रहमा बैठकले जिल्लाका सवै पालिकाबाट गरी ५ करोड र उद्योग वाणिज्य संघ लगाएत उद्योगी व्यवसायीबाट ५ करोड गरी जम्मा १० करोड रुपैयाँको प्रकोप कोष स्थापना गर्ने निर्णय गरेको थियो ।
मङगलबारसम्म महानगरको प्रकोप व्यवस्थापन कोषमा २ करोड ५० लाख भन्दा बढी रकम जम्मा भइसकेको नगर प्रमुख सरावीले जानकारी दिए । उनका अनुसार, कोषमा महानगरपालिका आफैले १ करोड रकम जम्मा गरेको छ ।बाँकी डेढ करोड रुपैयाँ विभिन्न संघसंस्था र दाताबाट सहयोग स्वरुप प्राप्त भएको नगर प्रमुख सरावगीले जानकारी दिए।
पर्साकै बहुदरमाइ नगरपालिकाले पनि बुधबार ५० लाख रुपैयाँ कोषमा सहयोग गर्ने प्रतिबद्धता जनाएको सरावगीले बताए । महानगरले पीसीआर मेसिन खरिदका लागि टेण्डर (बोलपत्र) आह्वान गरिसकेको जानकारी दिँदै सरावगीले भिटिएम किट खरिदको प्रक्रिया पनि बुधबार देखि सुरु गर्ने जानकारी दिए ।
'पीसीआर मेसिन र त्यसमा लाग्ने सबै उपकरण समेत गरेर करिब ६५-७० लाख पर्छ, त्यसका लागि चाहिने रकम उद्योगी व्यपारीले दिएका छन्, सरावगीले भने, 'मेसिन र किट खरिदपछि महानगरले नारायणी अस्पतालमै मेसिन उपलब्ध गराउँछ , त्यहिबाट जेकजाचको काम हुन्छ ।'
नारायणी अस्पतालमा यसअघि नै संघीय सरकारले पठाएको पीसीआर मेसिनबाट कोरोनाको परीक्षण हुँदै आएको छ ।अब महानगरपालिका आफैले अर्को मेसिन खरिद गरेपछि नारायणी अस्पतालमा २ वटा मेसिनबाट कोरोनाको परीक्षण हुनेछ ।
एउटा मात्र मेसिन मात्र हुँदा त्यसले आवश्यकता भएजतिको कोरोना परीक्षण हुन नसकेपछि जिल्लामा परीक्षणको दायरा बढाउन महानगरपालिका आफैले थप एउटा मेसिन खरिदका लागि अगाडि सरेको सरावगीले बताए।
अब २ वटा मेसिन भएपछि परीक्षणको दायरा निश्चि बढ्छ, उनले भने, 'यदि पालिकाले सहयोग गरे भने जिल्लाका प्रत्येक नागरिकको परीक्षण गर्ने हाम्रो योजना छ । पीसीआर मेसिन र किट खरिद पछि कोषमा बाँकी रहने रकम वीरगन्जमा संचालित क्वारेन्टाइन र कोभिड १९ अस्पताल संचालन र व्यवस्थापनमा खर्च गरिने सरावगीले जानकारी दिए ।
प्रतिक्रिया दिनुहोस !
