बाजुरा : जिल्लाको अति दुर्गम पूर्वी उत्तरी क्षेत्रका दुईवटा स्थानीय तहलाई पीसबिन बाजुरा नामक गैरसरकारी संस्थाले २० लाख बढीको सरसफाइ तथा स्वास्थ्य सामग्री सहयोग गरेको छ। बुढिनन्दा नगरपालिका र हिमाली गाउँपालिकालाई वेल्डहंगर हिल्फे सम्पूर्ण परियोजना र पीसबिन बाजुराको आर्थिक सहयोगमा क्वारिन्टाइन व्यवस्थापनका लागि ४० वटा ब्याड सेट ओड्ने ओछ्याउने, ३ सय जोड चप्पल, हात धुने ड्रम ८ पीस, सेनिटाइज ५ सय एमएलका २० बोतल, ६ हजार १ सय ६८ घरधुरीलाई ८ लाख ५० हजार बराबरको हात धुने साबुन र ४ सय ५० जना गर्भवतीलाई १ लाख ५५ हजार २ सय ५० बराबरको अण्डा वितरण गरिएको पीसबिन बाजुराका सम्पूर्ण परियोजना अधिकृत्त गोबिन्द थापाले जानकारी दिए ।
त्यस्तै विभिन्न स्वास्थ्य संस्था, प्रहरी, पत्रकार तथा अन्य कर्मचारीलगायतलाई ३ हजार ५ सय मास्क वितरण गरिएको थापाले बताए । कृषकलाई १३ क्वीन्टल ५० किलो मकै र ३७ क्वीन्टल सिमी समेत वितरण गरिएको थापाले बताए । भोकमरीको समस्य हुनबाट बच्न हाइब्रेड जातको मकै र सिमी वितरण गरिएको उनले बताए ।
बाजुराको उत्तरी क्षेत्रका चारवटै स्थानीय तहसँग समन्य गरेर सरसफाइ तथा स्वाथ्य सामग्री वितरण गर्ने तयारी रहेको पीसबिन बाजुरा स्थानीय अधिकार परियोजनाका अधिकृत्त पदम कठायतले बताए ।
पिसबिन बाजुराले क्वारिन्टाइन व्यवस्थापनका लागि स्वास्थ्य सामग्री सहयोग गरेको हिमाली गाउँपालिकाका अध्यक्ष गोबिन्द मल्लले बताए ।
प्रतिक्रिया दिनुहोस !
