धनगढी : हत्याका दोषी साढे ८ वर्षपछि पक्राउ परेका छन् । जिल्ला प्रहरी कार्यालय कैलालीले धनगढी उपमहानगरपालिका-१ का ४१ वर्षीय सुरेन्द्र सिंहको हत्यामा संलग्न वडा नम्बर ८ का सुवर्ण श्रेष्ठलाई पक्राउ गरिएको हो ।
जिल्ला प्रहरी कार्यालयका प्रवक्ता प्रहरी नायब उपरीक्षक प्रतिक विष्टले धनगढी गाउँमा २०६८ सालको मंसिरमा लागेको मेलामा सिंहलाई कुटपिट गरी घाइते बनाउने मध्येका श्रेष्ठलाई आठ वर्ष ७ महिनापछि पक्राउ गरिएको जानकारी दिए।
सिंहको उपचारका क्रममा मृत्यु भएको थियो । कैलाली जिल्ला अदालतले दुवैजनालाई जन्मकैदको सजाय सुनाइसकेको छ । श्रेष्ठलाई आइतबार जिल्ला अदालत कैलालीमा बुझाइएको छ ।
प्रतिक्रिया दिनुहोस !
