वीरगन्ज : पर्सामा आइतबार थप ३७ जना कोरोना मुक्त भएका छन्। पोखरीया नगरपालिकामा मात्रै आइतबार २५ जना कोरोना मुक्त भएका हुन्।
संक्रमित भएपछि होम आइसोलेसनमा बसेका पोखरीया नगरपालिकाका ४ जना वडा अध्यक्षसहित २५ जनाको दोश्रो पटक गरिएको पीसीआर रिपोर्ट आइतबार नेगेटिभ आएपछि उनीहरु कोरोना मुक्त भएको जिल्ला प्रशासन कार्यालय पर्साले जनाएको छ। यस्तै आइतबार नै वीरगंज हेल्थ केयर कोभिड अस्पतालबाट ८ जना , गण्डक अस्थायी कोभिड अस्पतालबाट ३ जना र होटल विजयज्योतिको सेमि आइसोलेसनबाट १ जना निको भइ घर फर्किएका छन्।
जिल्लाका विभिन्न स्थानमा संचालित सेमी आइसोलेसनमा ३ सय ९८ जना संक्रमित रहेको श्रीवास्तवले जानकारी दिए।
प्रतिक्रिया दिनुहोस !
