तानसेन : पाल्पामा दिनहुँ समुदायस्तरमा कोरोना संक्रमण फैलिदै गएको छ। आइतबार मात्रै पाल्पाका विभिन्न समुदायका १६ जनामा कोरोना संक्रमण देखिएको छ। समुदायस्तरमा गरिएको स्वाब परीक्षणका क्रममा तिनाउँ गाउँपालिकाको विभिन्न समुदायमा ८ जना पुरुष, माथागढी गाउँपालिकाका विभिन्न समुदायका ५ जना पुरुष, रैनादेवी छहरा गाउँपालिकाको १ महिला, १ पुरुष, बगनासकाली गाउँपालिकामा १ गरी १६ जनामा कोरोना देखिएको हो।
आइतबार थपिएका संक्रमितमध्ये तिनाउ गाउँपालिकाका ८ जना पुरुष, रैनादेबीछहराका २ जना र माथागढीका २ जना समुदायका व्यक्ति रहेको जिल्ला स्वास्थ्य कार्यालय पाल्पाका सूचना अधिकृत ओम प्रकाश पन्थीले बताए ।
यसअघि तानसेन नगरपालिकाका ७ जना, रम्भा गाउँपालिका ३ जना, रामपुर नगरपालिकाका २ जना, तिनाउँ गाउँपालिका र रिव्दीकोट गाउँपालिकामा एक/ एक जनामा समुदायस्तरका व्यक्तिमा सक्रमण देखिएको हो।
यसअघि तिनाउ २ मा चियापसल गरिरहेकी महिलामा देखिएपछि उनीसँग सम्र्पकमा आएका अन्यको परीक्षणका क्रममा थप ८ जना समुदायस्तरका व्यक्तिमा संक्रमण देखिएको गाउँपालिका अध्यक्ष ओम बहादुर घर्तीमगरले बताए ।
पछिल्लो समय पाल्पामा समुदायस्तरमा सक्रमितको संख्या हवात्तै बढेको छ । विधालयमा रहेका क्वारेन्टाइन हटाएपछि पछिल्लो समय होम क्वारेन्टाइनमा बस्ने क्रममा सक्रमण बढ्दै गएको छ । पाल्पामा रहेका करीब एक पचास विधालय क्वारेन्टाइन हटाएपछि अहिले पालिकाहरुले संक्रमितलाई होम आइसोलेसनमा व्यवस्थापन गर्दै आएका छन् ।
आइतबारसम्म पाल्पामा कुल संक्रमितको संख्या सय ६ पुगेको छ । जसमध्ये ५ सय ६३ जना कोरोनामुक्त भएका छन् । संक्रमण भएकामध्ये २ जनाको निधन भएको छ।
प्रतिक्रिया दिनुहोस !
