डोल्पा : डोल्पामा टयाक्टर दुर्घटना हुँदा ४ जना घाइते भएका छन् । त्रिपूरा सुन्दरी नगरपालिका १ मा पर्ने नेट भन्ने ठाउँमा बिहान ८ पैतालिस बजेतिर ट्याक्टर दुर्घटना हुँदा चारजना घाइते भएको जिल्ला प्रहरी कार्यालय डोल्पाका प्रहरी नायव उपरीक्षक नारायाण रञ्जितकारले जानकारी दिए ।
नेट भन्ने ठाउँबाट त्रिपूरासुन्दरी नगरपालिकाकै छलगाँउ जाने क्रममा भे १ त ९७८१ नम्बरको ट्याक्टर सड्कबाट करिब १५० मिटर तल खस्दा ट्याक्टरमा सवार ४ जना घाइते भएका हुन् ।प्रहरीका अनुसार घाइते सबैको अवस्था मध्यम रहेको र उनीहरु सबैलाई उपचारका लागि जिल्ला अस्पताल दुनैमा ल्याइएको छ। सामान्य घाइते चालक हस्त बहादुर परियारलाई प्रहरीले नियन्त्रणमा लिएको छ।
त्रिपूराकोट चौकिबाट प्रहरी नायब निरीक्षक तेजबहादुर रानाको नेतृत्वमा गएको ७ जनाको टोलीले उद्धार गरी घाइतेहरुलाई जिल्ला अस्पताल पठाएको थियो ।
प्रतिक्रिया दिनुहोस !
