काबुल: अफगानिस्तानको विकास परियोजना, शिक्षा, विभिन्न भवन निर्माणमा सहयोग स्वरुप भारत सरकारले ३ बिलियन अमेरिकी डलर खर्च गरेको तथ्य सार्वजनिक भएको छ ।
अलजजिरामा प्रकाशित समाचार अनुसार सन् २०२० मा आयोजित अफगानिस्तान सम्मेलनको समयमा भारतीय विदेशमन्त्री एस जयशंकरले अफगानिस्तानमा भारतले नछोएको कुनै स्थान नरहेको बताएका थिए ।
जसमा भारत मातहत चल्ने अफगानिस्तानका ३४ वटा प्रान्तमा जारी ‘४०० प्लस प्रोजेक्ट’ र दुईपक्षीय व्यापारमा भारतले सन् २०१९/२०२० सम्ममा १.५ बिलियन खर्च पुगेको बताएका थिए ।
अलजजिरासँग विल्सन सेन्टर एसिया प्रोग्रामका सचिव माइकल कुगेलम्यानले भनेका छन्, ‘अहिले भारत अफगानिस्तानको खेलबाहिर भए पनि भारतले अफगानिस्तानको लागि ठूलो रकम खर्च गरेको छ । पाकिस्तानसँग भारतको प्रोक्सी वार जारी भए पनि अफगानिस्तानसँग भने आफ्नो सम्बन्ध सन्तुलित रुपमा कायम राख्दै आएको छ । अहिलेको अवस्था नाटकीय रुपमा परिवर्तन भए पनि भारतले विगत २० वर्षदेखि अफगानिस्तानको विकासमा सकारात्मक भूमिका खेलेको छ ।’
भारतले अफगान विद्यार्थी पढाउन र अफगानिस्तानको संसद भवन निर्माणमा ९० मिलियन डलर खर्च गरेको थियो भने अन्य कार्यमा ३० मिलियन डलर खर्च गरेको थियो । अफगानिस्तानमा जारी विभिन्न विकास परियोजना गरी हालसम्म जम्मा ३ बिलियन अमेरिकी डलर खर्च गरेको बताइएको छ ।
प्रतिक्रिया दिनुहोस !
