महोत्तरी : भारतीय बजारबाट लागुऔषधसहित नेपालतर्फ आईरहेको समयमा महोत्तरी प्रहरीले चारजनालाई पक्राउगरी सार्वजानिक गरेको छ ।
जिल्ला प्रहरी कार्यालय महोत्तरीले लागुऔषध कारोबारको आरोपमा शनिवार उनीहरुलाई सार्वजानिक गरिएको हो । प्रहरीले रामगोपालपुर नगरपालिका-४ का २७ वर्षिय सत्रुध्न मुखिया, सर्लाही लालबन्दी नगरपालिका-४ का १७ वर्षिय विरेन्द्र मखिया, सोहीस्थानका १८ वर्षिय सुरेश मुखिया र गाडी चालक सर्लाही वरहथवा नगरपालिका ७ का १८ वर्षिय सुमन श्रेष्ठ रहेका छन् ।
जिल्ला प्रहरी कार्यालय महोत्तरीले दिएको जानकारी अनुसार गएराति उनीहरु चारैजना लागुऔषधसहित नेपालतर्फ आईरहेको समयमा प्रहरीले औरही नगरपालिका ४ कठुधारबाट नियन्त्रणमा लिएको हो ।
प्रहरीले चेकजाँचको क्रममा ना ८ प. ३१६८ नं.मोटरसाइकलमा सवार शत्रुधन र विरेन्द्र मुखियासँग नाईट्रोभेट ३० ट्यावलेट, स्पास्मोप्रोक्सीभ्यान ८ टेवलेट र डाईलेक्स डि.सी. २ बोतल, सुरेशसँग नाईट्रोभेट ४५ ट्यावलेट, र डाईलेक्स डि.सी २ बोतल बरामद गरेका हुन ।
त्यस्तै प्रदेश २-०-००१ ह १३७५ को अटोमा सवार सुमन श्रेष्ठसँग नाईट्रोभेट ३०० ट्यावलेट वरामद भएको हो । श्रेष्ठले आफनो दुबै हातको पाखुराभन्दा तल टेपले बाँधी भारतको बिहार राज्यको सीतामढी जिल्लाको कन्हमा शहरबाट ल्याउने कार्यमा संंलग्न रहेको प्रहरीसमक्ष वयान दिएका हुन् ।
लागुऔषधसहित पक्राउ परेका चारैजना जिल्ला प्रहरी कार्यालय महोत्तरीमा राखि थप अनुसन्धान भईरहेको महोत्तरीका प्रहरी प्रवक्ता डिएसपी प्रकाश विष्टले जानकारी दिए ।
प्रतिक्रिया दिनुहोस !
