बागमतीमा गठबन्धनबाट पौडेल र तिमल्सिनाको उम्मेदवारी दर्ता
पुष २०, २०७८ मंगलबार १३:४२:०
हेटौंडा : राष्ट्रियसभा निर्वाचनका लागि बागमती प्रदेशमा गठबन्धनबाट दुईजनाले उम्मेदवारी दिएका छन् । कांग्रेसका कृष्णप्रसाद पौडेल र नेकपा एकीकृत समाजवादीकी गोमा तिमल्सिनाले उम्मेदवारी दर्ता गराएका हुन् ।
हेटौंडा ४ स्थित प्रदेश निर्वाचन कार्यालयमा उनीहरू उम्मेदवारी दिन १२:३० बजे नेता कार्यकतासहित पुगेका थिए । काठमाडौं निवासी पौडेल नेपाली काङ्ग्रेस केन्द्रीय कार्यालयका मुख्य सचिव हुन् ।
हेटौंडाकी तिमल्सिना नेकपा एकीकृत समाजवादका केन्द्रीय सदस्य हुन् । आगामी माघ १२ गते बागमती प्रदेशमा दुई सिटका लागि निर्वाचन हुँदैछ । बागमतीबाट कांग्रेसका राधेश्याम अधिकारी र एकीकृत समाजवादीकी उदय शर्मा पौडेलको कार्यकाल सकिँदैछ ।
गठबन्धनले उनीहरुको ठाउँमा पौडेल र तिमल्सिनालाई अगाडि सारेको हो। नेकपा एमालेले गोपाल शाक्य र निरकुमारी कुवर दर्लामीलाई उम्मेदवार बनाएको छ । उनीहरूले उम्मेदवारी दर्ता गर्न बाँकी रहेको निर्वाचन कार्यालयले जनाएको छ ।
प्रतिक्रिया दिनुहोस !
