कुश्मा : पर्वतको आम्बोटस्थित पोखरा–बागलुङ सडकमा सोमबार दिउँसो यात्रुवाहक बस र मोटरसाइकल ठोक्किँएर भएको दुर्घटनामा एक जनाको मृत्यु भएको छ। मृत्यु हुनेमा मोटरसाइकल चालक पर्वतको महाशिला गाउँपालिका २ भोक्सिङका ३८ वर्षीय प्रितम गुरुङ रहेका छन्।
पोखराबाट पर्वततर्फ आउँदै गरेको ग ६ प ५५७३ नम्बरको मोटरसाइकल र बागलुङबाट बर्दियातर्फ जाँदै गरेको ग २ ख १०१३ नम्वरको बस मोदी गाउँपालिका ५ आम्बोट नजिकै पोखरा–बागलुङ सडकमा एकआपासमा जुधेका हुन्। दुर्घटनामा गम्भीर घाईते भएका गुरुङको उपचारका क्रममा पर्वत अस्पतालमा मृत्यु भएको जिल्ला प्रहरी कार्यालय पर्वतका प्रहरी निरिक्षक राजेन्द्र अधिकारीले जानकारी दिए।
बसमा सवार यात्रु भने सकुसल रहेका छन्। दुवै तर्फका सवारीसाधन तीब्र गतिमा भएका कारण ठोकिएको हुनसक्ने प्रहरीको अनुमान रहेको छ।
प्रतिक्रिया दिनुहोस !
