सुदूरपश्चिममा भारी वर्षासँगै हिमपात : यात्रु अलपत्र, किसान खुसी

डडेल्धुरा : सुदूरपश्चिमका पहाडि जिल्लामा बिहीबार साँझदेखि परेको हिमपातले जनजीवन प्रभावित भएको छ । हिमपातका कारण तराई-पहाड आवातजावत गर्ने सावारी साधान बीच बाटोमै अलपत्र परेका छन् । हिमपात जारी रहेका कारण यातायात संचालन गर्न कठिनाइ भइरहेको छ । 

बिहीबारदेखि लगातारको हिमपातका कारण विभिन्न पहाडि राजमार्गमा सयौं यात्रु अलपत्र परेका छन् । मौषम बदली भइ लागातार भइरहेको हिमपातले जनजीवन कष्टकर हुनुका साथै यातायातका साधन बन्द हुँदा यात्रु अलपत्र परेका हुन् । 

हिमपातका कारण भिमदत्त राजमार्गको साउखर्क, हगुल्टे, गैरालगायतका क्षेत्रमा यात्रुहरु कष्ठकर जीवन यापन गरिरहेका छन् । हिमपातले बन्द रहेको राजमार्ग खुलाउन स्थानीय तहका डोजर प्रयोग गरिएको छ । 

जिल्लाको उच्च लेकाली भाग अनारखोली, भालुमारे, साहुखर्क, हगुल्टेलेक, महाभारत लेकका विभिन्न स्थानमा बाक्लो हिमपात हिमपात भएको  छ । लामो समय पछि डडेल्धुरामा माघ महिनामा हिमपात भएको स्थानीयले बताएका छन् । 

निरन्तर हिमपात भइरहेको छ। याततयात सुचारु गर्न डोजरको प्रयोग गरिएपनि बाटो खुलाउन नसकेको अमरगढी नगरपालिकाका मेयर विशेश्वरप्रसाद ओझाले जानकारी दिए। डडेल्धुरा सदरमुकाममा हिमपातमा स्थानीयहरु रमाउन थालेका छन् । बिहानैदेखि हिउँ खेल्नेको भीड लागेको छ। तेस्रो पटक भएको हिमपातले कृषक खुसी भएका छन्। खेति सप्रिने भएपछि किसान खुसी भएका हुन्।

गर्मी सुरु हुनै लाग्दा भएको हिमपातले पुनः चिसो बढेको छ । हिमपातसँगै उच्च लेकाली भेगसहित जिल्ला सदरमुकाम क्षेत्रमा अध्याधिक चिसो बढेको स्थानीय प्रमबहादुर महरले बताए। लगातारको हिमपातसँगै सेताम्मे भएका डाडापाखाँमा हिउँमा रमाउने युवायुवतीहरुको ताँती छ । हरेक वर्ष हुने हिमपातलाई पर्यटनका रुपमा डडेल्धुरालाई चिनाउन सके हिमपातको समयमा भारतीय तथा नेपाली पर्यटक तान्न सकिने स्थानीय बताउँछन्।