सवारी दुर्घटनामा घाईते सदाको मृत्यु
![सवारी दुर्घटनामा घाईते सदाको मृत्यु](https://annapurnapost.prixacdn.net/media/albums/death-mirtyu_20200921102555_2NbXVtyY45.jpg)
महोत्तरी : सवारी दुर्घटनामा परि घाईते भएको एक जनाको उपचारको क्रममा मृत्यु भएको छ। गएराति मोटरसाईकल दुर्घटनामा परि घाईते भएको पिपरा गाँउपालिका ६ का ६५ वर्षिय पचु सदाको उपचारको क्रममा आज जानकी हेल्थ केयर जनकपुरमा उपचारको क्रममा मृत्यु भएको हो।
गएराति पिपरा गाँउपालिका-६ स्थित रतौली चौकमा जनकपुरबाट भ्रमपुरातर्फ आँउदै गरेको ज ६ प १६४८ नं.को मोटरसाइकलले सदालाई ठक्कर दिएको थियो।
गम्भीर अवस्थामा रहेको सदाको उपचारको क्रममा अस्पतालमा मृत्यु भएको जिल्ला प्रहरी कार्यालय महोत्तरीले जनाएको छ।
मोटरसाइकल चालक फरार रहेको र मोटरसाईकल प्रहरीको नियन्त्रणमा रहेको तथा घटना सम्बन्धमा थप अनुसन्धान भईरहेको महोत्तरीको प्रहरी प्रवक्ता डिएसपी प्रकाश विष्टले बताएका छन्।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)