स्याङ्जामा २ वडामा कांग्रेस विजयी : फेदिखोला- ५ मा डिल र हरिनास-१ मा इन्द्र विजयी
वैशाख ३१, २०७९ शनिबार १२:३३:०
स्याङ्जा : स्याङ्जाको फेदीखोला गाउँपालिका- ५ बागेमा नेपाली कांग्रेसका डिलबहादुर गुरुङ विजयी भएका छन्। आफ्ना प्रतिस्पर्धीलाई ४१ मतान्तररले गुरुङ विजयी भएका हुन्।
गुरुङले ४ सय मत प्राप्त गरेर विजयी भएका हुन्। उनका निकटतम प्रतिस्पर्धी एमालेका चेतनदास शर्माले ३ सय ५९ मत प्राप्त गरे।
यस्तै अन्य सदस्यमा कांग्रेसकाबाट महिला सदस्यमा पार्वती क्षेत्री, खुल्ला सदस्यमा कमल लामिछाने क्षेत्री, थमनबहादुर गुरुङ बिजयी भए। यो सँगै अध्यक्षसहित ४ सदस्य कांग्रेसको र एक सदस्यमा एमाले विजयी भएको हो। दलित महिला सदस्यमा भने नेकपा एमालेबाट कौशिला परियार विजयी भएको निर्वाचन अधिकृत विनोद पौडेलले जानकारी दिए।
यसैगरी, हरिनास गाउँपालिका- १ मा पनि नेपाली काँग्रेसका ईन्द्रबहादुर गुरुङ वडा अध्यक्षमा निर्वाचित भएका छन्। उनले ८ सय ४ मत ल्याउँदा उनका प्रतिस्पर्धी नेकपा एमालेका मिलनराज श्रेष्ठले ५ सय ४२ मत पाए।
त्यस्तै सदस्यमा लक्ष्मी बिक, देवीमाया दर्जी, तेजबहादुर थापा र प्रेमबहादुर मानन्धर विजयी भएका हुन्। फेदिखोला र हरिनास गाउँपालिकामा कांग्रेस र माओवादीबीच गठबन्धन छ।
प्रतिक्रिया दिनुहोस !
