स्याङ्जा : पुतलीबजार नगरपालिका–१४ मा नेपाली कांग्रेसको प्यानल विजयी भएको छ। लाल किल्लाकारुपमा परिचित सो वडालाई जितेन्द्रप्रकाश मल्लसहितको प्यानलले चिरेको हो।
मल्लले आफ्ना प्रतिस्पर्धी उम्मेदवार शेषराज ढकाललाई १४ मतान्तरले पराजित गरेका हुन्। ढकाल निवर्तमान वडाध्यक्ष हुन्। अध्यक्ष पदमा निर्वाचित मल्लले १ हजार १ हजार २६६ मत पाएका थिए भने प्रतिस्पर्धी ढकालले १ हजार २५२ मत पाएका छन्।
मल्लसंगै महिला सदस्यमा पुनम शाह, दलित महिला सदस्यमा चिजा दर्जी र खुल्ला सदस्यमा मुबारक मिया र रामप्रसाद ढकाल निर्वाचित भएका हुन्।
अघिल्लो स्थानीय निर्वाचनमा यस वडामा नेकपा एमालेका उम्मेदवार शेषराज ढकाल १हजार २८० मत ल्याएर विजयी हुँदा उनका प्रतिस्पर्धी कांग्रेसका हुमनाथ ढकालले ९ सय १२ मत पाएका थिए।
प्रतिक्रिया दिनुहोस !
