कांग्रेस र एमालेका कार्यकर्ताबीच झडप, म्यादी प्रहरीमाथि खुकुरी प्रहार
जेठ २, २०७९ सोमबार ११:५२:०
बाजुरा : सदरमुकाम मार्तडीमा २०७९ जेठ १ गते आइतबार राती म्यादी प्रहरी बुढीगंगा ४ का २० वर्षीय पुष्प कटुवालमाथि खकुरी प्रहार भएको छ। घाइते म्यादि प्रहरीको आइतबार राती नै जिल्ला अस्पताल बाजुरामा उपचार गरिएको छ।
घाइते पुष्प कटुवालको टाउकोमा ५ ओटा टाका लागेको जिल्ला प्रहरी कार्यालयका सूचना अधिकारी गिन्द्र बोगटीले बताए। अन्य दुई म्यादी प्रहरी हर्क सुनार र सुनिल थापा घाइते भएका छन्। अवस्था सामान्य रहेको छ।
खुकुरी प्रहारमा संलग्न रहेको आरोपमा बडिमालिका नगरपालिका २ का अन्दाजी २० वर्षीया नरेन्द्र नाथ र सोही ठाउँका अन्दाजी २० वर्षीया लोकन्द्र कार्कीलाई गिरफ्तार गरिएको बोगटीले बताए।
जिल्ला प्रहरी कार्यालयका सुचना अधिकारीका गिन्द्र बोगटीका अनुसार खुकुरीसमेत बरामद गरिएको छ। मार्तडीमा आइतबार राती नेकपा एमाले र नेपाली कांग्रेस कार्याकर्ताहरुको झडप तथा ढुंगा हानाहान भएको थियो। खुकुरी प्रहार गर्ने कुन पार्टीका कार्यकर्ता हुन अनुसन्धान भइरहको उनले बताए।
प्रतिक्रिया दिनुहोस !
