पालुङ्टारको मेयर र उपमेयर दुवैमा माओवादीका उम्मेद्वार विजयी
जेठ ५, २०७९ बिहीबार ९:५२:०
गोरखा : पालुङटार नगरपालिकाको मेयर र उपमेयर दुवै पदमा माओवादी केन्द्रले विजय हासिल गरेको छ। माओवादी केन्द्रकातर्फबाट मेयर पदका उम्मेदवार विवश चिन्तन (अजय)ले ६ हजार ७२ मत प्राप्त गरी विजयी भएका हुन्।
त्यस्तै उपमेयरमा माओवादी केन्द्रबाट उम्मेद्वार बनेकी बन्दना पाण्डेले ५ हजार ५७९ मत प्राप्त गरी विजयी भएकी छन्। मेयरका निकटतम प्रतिद्वन्द्वी जसपाका उम्मेदवार प्रेम गुरुङले ५ हजार ७ सय १७ मत प्राप्त गरेका थिए।
यसअघिका मेयर एवं नेपाली कांग्रेसका तर्फबाट यसपटक पनि उम्मेदवार बनेका दीपकबाबु कँडेलले ४ हजार ९ सय ९७ मत प्राप्त गरे।
उपमेयरकी निकटतम प्रतिस्पर्धी कांग्रेसकी चेतकुमारी श्रेष्ठले ५ हजार ७७ मत पाएकी छन्। गठबन्धनकी उम्मेदवार एमालेकी पार्वतीदेवी पाठक भने ४ हजार २८१ मतका साथ तेस्रो भइन्। पालुङटारमा जनता समाजवादी पार्टी र नेकपा एमालेका बीच चुनावी गठबन्धन भएको थियो।
प्रतिक्रिया दिनुहोस !
