कुश्मा : पर्वतमा करेण्ट लागेर वडा सदस्यको मृत्यु भएको छ। जिल्लाको विहादी गाउँपालिका-१ बाच्छाका ३९ वर्षिय दिपक गुरुङको शनिबार दिउँसो करेण्ट लागेर मृत्यु भएको हो।
गुरुङको घरमा टाँगिएको फलामको तारमा कपडा सुकाउँदा करेण्ट लागेको र घटनास्थलमै मृत्यु भएको प्रहरी नायब उपरीक्षक शिवराज बुढाथोकीले जानकारी दिए। मृतकको शव पोष्टमार्टमका लागि पर्वत अस्पतालमा ल्याईएको छ।
मृतक गुरुङका दुई छोरी र एक छोरा र श्रीमती रहेका छन्। उनी गत स्थानीय तह निर्वाचनमा नेपाली काँग्रेसको तर्फबाट सदस्यमा विजयी भएका थिए।
प्रतिक्रिया दिनुहोस !
