धनकुटा : प्रतिनिधिसभातर्फ १७ हजार २ सय ४७ मत गणना हुँदा नेकपा एमालेका उम्मेदवार राजेन्द्रकुमार राई गठबन्धनका उम्मेदवार सुनिलबहादुर थापाभन्दा ११ सय १९ मतले अघि छन्।
नेकपा एमालेका उम्मेदवार राईले ७ हजार ६ सय २ मतले अघि बढ्दा गठबन्धनको तर्फबाट उम्मेदवार बनेका पूर्वमन्त्री समेत रहेका थापा ६ हजार ४ सय ८३ मतका साथ पछ्याइरहेका छन्।
त्यस्तै स्वतन्त्र उम्मेदवार हेमराज भण्डारीले १ हजार ९ सय २४ मत ल्याएका छन्। १७ हजार २ सय ४७ मत गणना हुँदा ५ सय ८१ मत बदर भएर १६ हजार ६ सय ६६ मत सदर भएको छ।
त्यस्तै प्रदेश क तर्फ नेकपा एमालेका निरन कुमार अग्रस्थानमा छन्। उनले ४ हजार १ सय २३ मतका साथ अघि बढ्दा उनका निकटम् प्रतिद्वन्द्वी जसपाका उम्मेदवार तथा पूर्वमन्त्री रकम चेम्जोङले २ हजार ८ १९ मतका साथ पछ्याइरहेका छन्।
त्यस्तै गठबन्धनको तर्फबाट उम्मेदवार बनेका नेकपा एसका अर्जुन राई १ हजार ३ सय ३६ सहित तेस्रोमा छन्। सो क्षेत्रमा ८ हजार ८ सय २६ मत गणना हुँदा ३ सय ३ मत बदर भएको छ भने ८ हजार ५सय २३ मत सदर भएको मुख्य निर्वाचन अधिकृतको कार्यालयले जनाएको छ।
यता प्रदेश ख तर्फ नेकपा एमाले उम्मेदवार इन्द्रमणी पराजुलीले नै अग्रता लिइरहेका छन्। उनले ३ हजार ९ सय १ मत प्राप्त गर्दा उनका निकटम प्रतिद्वन्द्वी गठबन्धनको तर्फबाट उम्मेदवार बनेकी माओवादी नेतृ कुसुमकुमारी श्रेष्ठले ३ हजार १ सय ७२ मत प्राप्त गरेकी छिन्।
यस क्षेत्रमा ८ हजार ४ सय २७ मतगणना भइसकेको छ। जसमा ८ हजार ३ सय १७ मत सदर हुँदा २ सय १० मत बदर भएको छ।
जिल्लाको कुल ६० वडा मध्ये १३ वडाको मतगणना भइसकेको छ।
अहिले महालक्ष्मी नगरपालिका र धनकुटा नगरपालिकाको विभिन्न वडाको मत गणना भइरहेको छ। ९ वडा रहेको महालक्ष्मी नगरपालिकाको १ देखि ७ वडासम्मको मत गणना भइसकेको छ। भने चौविसेको ८ वटै वडाको मत गणना भइसकेको छ।
धनकुटा नगरपालिकाको वडा नं. १ को मतगणना जारि छ। धनकुटामा कुल मतदाता मध्ये ५९.४० प्रतिशतले मात्रै मतदान गरेका छन्। १ लाख १६ हजार ९ सय ९१ मतदाता रहेको धनकुटामा ६९ हजार ४ हजार ९३ जनाले मत हालेका थिए।
प्रतिक्रिया दिनुहोस !
