भक्तपुर: भक्तपुर क्षेत्र नं १ मा नेपाल मजदुर किसान पार्टीका प्रेम सुवाल र क्षेत्र नं २ मा नेपाली कांग्रेसका दुलर्भ थापा प्रतिनिधि सभा सदस्य पदमा विजयी भएका छन् ।
चार प्रदेश सभा सदस्यतर्फ भने नेमकिपा, कांग्रेस, एमाले र नेकपा एसले एकएक सदस्यमा जित हासिल गरेका छन् ।
उता भक्तपुर क्षेत्र नं २ मा भने नौ सय ५९ मतले नेपाली कांग्रेसका दुलर्भ थापाले जित निकाले ।
एमालेका महेश बस्नेतलाई हराउँदै कांग्रेसका थापा विजयी भएका हुन् । थापाले २४ हजार २३८ मतले विजयी हासिल भएका थिए भने बस्नेतले २३ हजार २७५ मतमा रोकिए । यस क्षेत्रमा नेपाल मजदुर किसान पार्टीकी अनुराधा थापामगरले तेस्रो भइन ।
यता भक्तपुर क्षेत्र नं १ क चाँगुनारायण क्षेत्रमा कांग्रेसका सुरेश श्रेष्ठ विजयी भए । क्षेत्र नं १ ख भक्तपुरमा नेमकिपाका सुरेन्द्रराज गोसाई भारी मतका साथ विजयी भए । भक्तपुर क्षेत्र नं २ क सूर्यविनायकमा एमालेका किरण थापा विजयी भए । भक्तपुर क्षेत्र नं २ ख मध्यपुर थिमिमा सता गठबन्धनका तर्फबाट नेकपा एसका उम्मेदबार डा राजेन्द्रमान श्रेष्ठ विजयी भए ।
यहाँ दुई वटा प्रतिनिधि सभा र चार वटा प्रदेश सभा सदस्यका लागि प्रतिस्पर्धा भएको थियो । यी क्षेत्रमध्ये प्रतिनिधितर्फ नेमकिपा र कांग्रेसले एकएक सिट जिते । प्रदेशतर्फको चार वटा सिटमा भने नेमकिपा, काग्रेस, एमाले र नेकपा एसले एकएक सिट हात पारे ।
प्रतिक्रिया दिनुहोस !
