दोलखा : भीमेश्वर नगरपालिका-२ मा मातृभाषामा सांस्कृतिक कार्यक्रम गरिएको छ। अन्तर्राष्ट्रिय मातृभाषा दिवसमा कार्यक्रमको आयोजना गरिएको हो।
बाल सारथी क्लबले आयोजना गरेको कार्यक्रममा वडाभरीका विद्यालयका विद्यार्थीको सहभागिता रहेको थियो। राजकुलेश्वर आधारभूत विद्यालयमा सञ्चालन गरिएको कार्यक्रममा नेवारी, थामी र तामाङ भाषामा सांस्कृतिक कार्यक्रम गरिएको छ।
क्लबका संरक्षक गोविन्द बस्नेतले लुकेको प्रतिभा प्रष्फुटन तथा मातृभाषाको संरक्षण गर्नका लागि कार्यक्रम आयोजना गरिएको र आगामी दिनमा वडा हुँदै नगरपालिका जिल्ला रूपमा नै लैजाने योजना रहेको बताए।
प्रतिक्रिया दिनुहोस !
