मेघ गर्जन र चट्याङसहित वर्षा गराउने बादल विकसित : कहाँ के हुँदैछ ?
फागुन ३०, २०७९ मंगलबार १५:३०:२५
काठमाडौं : अहिले गण्डकी र कर्णाली प्रदेशका एक-दुई स्थानमा हल्का वर्षा भइरहेको जल तथा मौसम पूर्वानु महाशाखाले जनाएको छ।
महाशाखाका अनुसार देशको पहाडी भू-भागका केही स्थानहरूमा मेघ गर्जन र चट्याङसहित वर्षा गराउने बादल विकसित भएका कारण गण्डकी र कर्णाली प्रदेशका केही स्थानमा वर्षा भएको हो।
उक्त बादल उत्तर पूर्वतिर सर्दै गइरहेकाले आवश्यक सतर्कता अपनाउन महाशाखाले अनुरोध समेत गरेको छ।
यसैगरी लुम्बिनी प्रदेशलगायत तराईका केही स्थानमा मेघगर्जन र चट्याङसहित हल्का वर्षाको सम्भावना रहेको मौसमविद् बरुण पौडेलले जानकारी दिएका छन् । उनका अनुसार आज राति भने कोशी, बागमती र गण्डकी प्रदेशका पहाडी भू–भागका केही स्थानमा हल्का वर्षाको सम्भावना छ ।
हाल देशमा पश्चिमी वायुको सामान्य प्रभाव रहेका कारण दिउँसो पहाडी भू–भागमा आंशिकदेखि सामान्य बदली रहने जल तथा मौसम पूर्वानुमान महाशाखाले जनाएको छ ।
प्रतिक्रिया दिनुहोस !
