घनश्याम भुसालले गृहमन्त्रीलाई भने-नक्कली शरणार्थी र ललिता निवास प्रकरणमा संलग्नलाई निर्मम कारवाही गर्नुहोस्
साउन ८, २०८० सोमबार १४:२६:३६
काठमाडौं : नेपाल कम्युनिष्ट पार्टी एकीकृत समाजवादीका महासचिव घनश्याम भुसालले नक्कली भुटानी शरणार्थी र ललिता निवास प्रकरणमा मुछिएकाहरुलाई निर्मम कारवाही हुनुपर्ने बताएका छन् । नेपाल कम्युनिष्ट पार्टीका संस्थापक महासचिव पुष्पलालको ४५ औं स्मृति दिवसका अवसरमा आयोजित कार्यक्रममा बोल्दै महासचिव भुसालले भ्रष्टाचारमा अहिले मुछिएकाहरूलाई निर्मम तरिकाले कारवाही गर्न जोड दिएका हुन् ।
उपप्रधान एवं गृहमन्त्री नारायणकाजी श्रेष्ठको सामुन्ने नै भुसालले भने,'दोषीमाथि निर्मम तरिकाले कारवाही गर्नुहोस् कामरेड । ' महासचिव भुसालले भने प्रत्येक पार्टीले भ्रष्टाचार विरुद्धको अभियान सञ्चालन गर्नुपर्नेमा जोड दिए।
भ्रष्टाचार नियन्त्रण गर्न एकजना व्यक्तिको पहलले मात्र संभव नहुने भुसालको भनाइ छ।
प्रतिक्रिया दिनुहोस !
