पार्टीले गरेका कामलाई जनतालाई अनुभूति हुनेगरी प्रचार प्रसार गरौं : नेता सिंह
साउन २५, २०८० बिहीबार १४:२२:३९
काठमाडौं : नेपाली कांग्रेसका नेता प्रकाशमान सिंहले समयपरिस्थीति अनुसार चल्न नसके आगामी दिनमा कांग्रेसलाई गाह्रो पर्न सक्ने बताएका छन्। बिहीबार काठमाडौंमा आयोजित नेपाली कांग्रेस काठमाडौं प्रदेश १ ख र वडा नम्बर ३१ को संयुक्त सम्मेलनमा नेता सिंहले कांग्रेस पुरानो पार्टी भएकाले इतिहासको मात्रै कुरा गरेर नपुग्ने भन्दै समयपरिस्थीति अनुसार चल्न नसके आगामी दिनमा कांग्रेसलाई गाह्रो पर्न सक्ने बताएका हुन्।
उनले जनताको गुमेको अधिकार फिर्ता ल्याएर कांग्रेसले परिवर्तनको नेतृत्व गरेकाले पार्टी गरेका कामलाई जनताले अनुभूति हुने गरि प्रचार प्रसार गर्नुपर्ने धारणा राखे। नेता सिंहले कांग्रेसका गतिविधि निकै खर्चिलो हुन थालेको भन्दै यसमा पनि सुधार गर्नुपर्ने बताए ।
पार्टीभित्र एकअर्कालाई दोष लगाएर कोहि पनि बलियो हुन नसक्ने भन्दै उनले पार्टीभित्रको विमतिलाई औपचारिक तथा अनौपचारिक बैठकमा छलफल गर्नुपर्ने जिकिर गरे। नेता सिंहले पार्टी नेता तथा कार्यकर्ताहरु विधिपद्धति अनुसार हिड्नुपर्ने र जिम्मेवारबोधका साथ अघि बढ्नुपर्ने बताए।
प्रतिक्रिया दिनुहोस !
