मुग्लिन : पहिराका कारण अवरुद्ध नारायणगढ-मुग्लिन सडक दुईतर्फी सञ्चालनमा आएको छ। इलाका प्रहरी कार्यालय मुग्लिनका प्रमुख, प्रहरी निरीक्षक विशाल तामाङका अनुसार साँझ ५:४० बजेदेखि सडकमा दुईतर्फीरूपमा सवारी साधन चलन थालेका हुन्।
चितवनको इच्छाकामना-६ स्थित नाम्सी पुल नजिकै अविरल वर्षासँगै पहिरो खसेपछि सवारी साधन एकतर्फी रुपमा सञ्चालन भइरहेको थियो। सडक डिभिजन कार्यालय भरतपुरका अनुसार आज दिउँसो १ बजेदेखि दुईतर्फी नै सवारी आवागमन रोकी पहिरो पञ्छाउने काम सुरु गरिएको थियो। सडकको पहिरो हटाउन तीन वटा मेसिन प्रयोग गरिएको थियो।
प्रतिक्रिया दिनुहोस !
