गुल्मी : गृहमन्त्रालय र देशभरका जिल्ला प्रशासन कार्यालयबीच भएको कार्यसम्पादनमा जिल्ला प्रशासन कार्यालय गुल्मी पहिलो भएको छ। बुधबार पत्रकार सम्मलेनको आयोजना गरेर प्रशासन कार्यालय गुल्मीले कार्यसम्पादनमा देशभरमै प्रथम भएको जानकारी दिएको हो।
आर्थिक वर्ष २०७९/०८० मा भएको कार्यसम्पादन सम्झौता मूल्यांकनमा ७७ जिल्लाको कार्यसम्पादनमा गुल्मी प्रथम भएको गुल्मीका सहायक प्रमुख जिल्ला अधिकारी हरिप्रसाद गैरेले जानकारी दिए।
जिल्ला प्रशासन कार्यालय गुल्मीले शान्ति सुरक्षा तथा अपराध नियन्त्रणमा २९, शासकीय प्रबन्धमा ४१ दशमलव २ ,लागु औषध नियन्त्रणमा ०५, विपत् जोखिम न्यूनीकरण तथा व्यावस्थापनमामा १०,मुआब्जा वितरण तथा विकास सहजीकरणमा ७ र मन्त्रालयको मुल्यांकनमा ४ दशमलव २४ गरी कुल ९६ दशमलव ४४ प्राप्तांक गरेको छ। रुकुम पश्चिम जिल्ला प्रशासन कार्यालयले कार्यसम्पादनमा ९६ दशमलव १३ प्राप्तांक देशभरमै दास्रो भएको छ।
प्रतिक्रिया दिनुहोस !
