गुलरिया : प्रहरीले स्रोत नखुलेको सुनका गरगहनासहित दुई जना पक्राउ परेका छन्। पक्राउ पर्नेमा बाँकेको नेपालगञ्ज उपमहानगरपालिका-११ राँझाका २९ वर्षीय मोहन बिक र बाँकेको राप्ती सोनारी गाउँपालिका-२ घर भई बाँकेको डुँडुवा गाउँपालिका-५ स्थित जब्दहवा बस्ने ३८ वर्षीय देविन्द्रबहादुर घर्ती रहेका छन्।
विशेष सूचनाका आधारमा इलाका प्रहरी कार्यालय मोतिपुर, इप्रका बगनाह र कर्तनियाघाट प्रहरी चौकीबाट खटिएको टोलीले पूर्वपश्चिम राजमार्ग अन्तर्गत बर्दियाको बारबर्दिया नगरपालिका-९, कर्तनियामा चेकजाँचका क्रममा हुण्डाई गाडी र सुनका गरगहनासहित उनीहरूलाई पक्राउ गरेको हो।
यसबारे थप अनुसन्धान भइरहेको उनले बताए। बरामद गहना २८ तोलाभन्दा बढी रहेको प्रहरी जनाएको छ।
प्रतिक्रिया दिनुहोस !
७
