विराटनगर : मोरङको लेटाङ नगरपालिका–३ कृतिमानस्थित एउटा घरमा बिहीबार बिहान आगलागी भएको छ । ज्ञानबहादुर राईको घरमा आगलागी हुँदा ८ लाख बराबरको क्षति भएको प्रहरीले जनाएको छ । प्रहरीका अनुसार काठ प्रयोग गरेर बनाइएको र कर्कतपाताको छानो भएको घरमा गाईलाई खोले पकाउने क्रममा बिहान ८:३० बजेतिर अचानक आगलागी भएको हो ।
आगोले घरसहित भाँडावर्तन, अन्नपात, लत्ताकपडा, काठपात, पराल जलेर ध्वस्त भएको छ । प्रहरी, दमकल र स्थानीयको सहयोगमा आधा घण्टापछि आगो नियन्त्रणमा लिइएको थियो ।
मानवीय र चौपाया क्षति भने भएन ।
प्रतिक्रिया दिनुहोस !
