नुवाकोट : नुवाकोटको शिवपुरी गाउँपालिकास्थित शेराबगरमा माघे संक्रान्तिका अवसरमा बृहत् गोरु जुधाइ कार्यक्रम गरिएको छ।
श्री शेराबगर विकाश समाजले शेराबगर गोरु जुधाई कार्यक्रमको आयोजना गरेको हो। जनावर जुधाएर आनन्द लिने मानिसको यो परम्परासँग ऐतिहासिक महत्व पनि जोडिएको छ।
माघे संक्रान्तिको उत्सवअन्तर्गत गोरु जुधाउने एउटा परम्परा हो। गोरु जुधाइ परम्परा सय वर्षभन्दा पुरानो मानिन्छ। नुवाकोटमा गोरु जुधाउने यो पुरानो परम्परा जोगाउने र संरक्षण गर्ने क्रममा हरेक वर्ष कार्यक्रम आयोजना गर्दै आएको छ।
नुवाकोटका विभिन्न स्थानका साथै रसुवा र धादिङमा पनि हरेक वर्ष माघे संक्रान्तिको अवसरमा गोरु जुधाइको आयोजना हुन्छ। नुवाकोटमा यसवर्ष ४० हल गोरु जुधाइएको छ। चन्दनीमा १६, बेत्रावतीमा नौ, पन्चकन्यामा आठ र शेराबगरमा पाँच हल गोरु जुधाइएको हो।
प्रतिक्रिया दिनुहोस !
