तानसेन : तानसेन नगरपालिकाको टुँडिखेलमा सञ्चालन भएको पाँचौ राष्ट्रपति रनिङ शिल्डको उपाधि जनता माध्यमिक विद्यालय जेभिटिले जितेको छ। जेभिटिलले ११ स्वर्ण, ९ रजत र ९ कास्य गरी २९ वटा पदकसहित उपाधि जितेको हो।
१० स्वर्ण पदकसहित दमकडा नमुना माध्यमिक विद्यालय दोस्रो भएको छ। दमकडाले १० स्वर्ण, ९ रजत र ९ कास्यसहित २८ पदक जितेको छ। उपाधि हात पार्नका लागि जनता र दमकडा बीच निकै कडा प्रतिस्पर्धा भएको थियो।
सरस्वती माविले १० पदक हात पार्दै प्रतियोगितामा तेस्रो भएको छ। सरस्वतीले १० स्वर्ण, ४ रजत र ५ कास्य पदक जितेको छ। प्रतियोगितामा तानसेन नगर भित्रका २७ वटा माध्यमिक विद्यालयका ६ सय २३ विद्यार्थीले ५ विधाका ५३ खेलमा ३ सय ८० पदकका लागि प्रतिस्पर्धा गरेका थिए।
१० वटै पालिकामा रनिङ शिल्ड प्रतियोगिता सकिएकाले यही माघ २३ गतेदेखि तानसेनको टुँडिखेलमा पाँचौ जिल्ला स्तरीय राष्ट्रपति रनिङ शिल्ड प्रतियोगिता सञ्चालन हुने छ।
प्रतिक्रिया दिनुहोस !
