डोटी : डोटीमा माटोको ढिस्कोमा च्यापिएर एक जना महिलाको मृत्यु भएको छ। शिखर नगरपालिका-९, ढुङ्गमा माटोको ढिस्कोमा च्यापिएर सोही वडाको छोया घर भएकी निर्मला रोस्याराको मृत्यु भएको शिखर नगरपालिकाका प्रवक्ता धिर्क सिंहले जानकारी दिए। माटोको ठुलो ढिस्कोमा च्यापिएकाले शव निकाल्ने काम भइरहेको नगरप्रमुख दीर्घ बलायरले बताए।
घटनामा अन्य तीन जना पनि परेका र उनीहरूको सकुसल उद्धार गरिएको नगरप्रमुख बलायरले बताए। घटना दिउँसो करिब ४/५ बजेको भए पनि ढीलो गरी जानकारी भएकाले तीन जनाको भर्खर उद्धार भएको उनको भनाइ छ।
घर पोत्ने माटो खन्ने क्रममा उक्त घटना भएको हो। उद्धारका लागि अहिले नेपाल प्रहरी र सशस्त्र प्रहरीको टोली समेत घटनास्थलतिर गइरहेको प्रवक्ता सिंहले बताए।
प्रतिक्रिया दिनुहोस !
