‘डज’ मिमको रुपमा सामाजिक सञ्जालमा चर्चित कुकुर काबोसुको मृत्यु भएको छ । काबोसुको १८ वर्षको उमेरमा मृत्यु भएको बीबीसी समाचारमा उल्लेख छ।
काबोसु १४ वर्षसम्म इन्टरनेटमा मिम्सको माध्यमबाट चर्चित रहेको थियो। काबोसुको फोटो क्रिप्टो मुद्रा 'डज कोइन' मा पनि प्रयोग गरिएको थियो।
सन् २०१० बाट काबुसोको तस्बिर सामाजिक सञ्जालमा भाइरल भएको हो।
काबोसुको तस्विर एनएफटी डिजिटल नेटवर्कको हिस्सा बनेपछि, 'डज कोइन' क्रिप्टो मुद्रा सिर्जना भयो र यो अहिलेको आठौं ठूलो क्रिप्टो मुद्रा हो।
'डज कोइन' क्रिप्टो मुद्राको बजार मूल्य करिब २३ अर्ब डलर छ।
साथै सोशल मिडिया प्लेटफर्म 'एक्स'का मालिक एलन मस्कले केही समय 'एक्स'मा पनि काबोसुको तस्बिर राखेर लोगो नै परिवर्तन गरेका थिए।
प्रतिक्रिया दिनुहोस !
