नेपाल पुलिस क्लबले जित्यो राष्ट्रिय बिच भलिबल च्याम्पियनको उपाधि

नेपाल पुलिस क्लबले जित्यो राष्ट्रिय बिच भलिबल च्याम्पियनको उपाधि
सुन्नुहोस्

सिन्धुपाल्चोक : नेपाल पुलिस क्लब आठौं पुरुष र सातौं महिला राष्ट्रिय बिच भलिबल प्रतियोगिताको च्याम्पियन बनेको छ। पुरुषतर्फ नेपाल पुलिस क्लबका चन्द्र कुँवर र सफल विकको जोडीले एपिएफका बलिराम चौधरी र रमेश विकको जोडीलाई शनिवार २–१ सेटमा हराउँदै आठौं पुरुष राष्ट्रिय बिच भलिबल प्रतियोगिताको उपाधि जितेको हो। 

नेपाल भलिबल संघ, सिन्धु सुकुटे पर्यटन व्यवसायी संघ र सिन्धुपाल्चोक जिल्ला भलिबल संघद्वारा सुकुटेस्थित सुनकोशी नदी किनारको बगरमा आयोजित प्रतियोगितामा चन्द्र र सफलको जोडी १८–२१, २१–१४, १५–८ ले विजयी भएको हो।
समूह चरणबाट हरेक खेलमा पहिलो सेट गुमाएको पुलिसको जोडी अन्ततः च्याम्पियन बनेको छ। पुलिसका कमला पुन र मनिषा चौधरीको जोडीले सातौं राष्ट्रिय बिच भलिबल प्रतियोगिताको उपाधि जितेको छ। 

आफ्नै क्लबका पुनम चन्द र कामना विष्टको जोडीलाई शनिवार २–० को सेटमा हराउँदै कमला र मनिषाको जोडी च्याम्पियन बनेको हो। कमला र मनिषाको जोडी २१–१९, २१–१० ले विजयी भएको हो। उनीहरूको जोडीले साउनमा भुटानमा भएको काभा बिच भलिबलमा स्वर्ण पदक जितेका थिए। 

नेपाल एपिएफ क्लब र त्रिभुवन आर्मी क्लबका जोडी राष्ट्रिय बिच भलिबल प्रतियोगितामा तेस्रो भएको छ। महिला एपिएफको निरुता ठगुन्ना र नेविका चौधरी जोडी तथा पुरुषतर्फ टिकराज तामाङ र सूर्य परियारको जोडी तेस्रो भएको हो। २१–१२, २१–१५ ले हराउँदै निरुता र नेविकाको जोडी तेस्रो भएको थियो। एपिएफका महेन्द्र श्रेष्ठ र राजकुमार निरौलाको जोडीलाई २१–१९, २४–२२ ले पराजित गर्दै टिकराज र सूर्यको जोडी विजयी भएको थियो।

प्रतियोगितामा प्रथम, द्वितीय र तृतीय हुने टोलीले क्रमशः नगद ५० हजार, २५ हजार र १५ हजार रुपैंयासहित ट्रफी, मेडल र प्रमाणपत्र प्राप्त गरे। नेपाल भलिबल संघको वार्षिक कार्यक्रम अनुसार जिल्ला भलिबल संघ सिन्धुपाल्चोक र सिन्धु सुकुटे पर्यटन व्यवसायी संघको आयोजना माघ १ गतेदेखि सुरु भएको प्रतियोगितामा महिलामा १७ र पुरुषमा १५ टोलीको सहभागिता थियो।
 


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.